आमच्या बद्दल

१ मे १९७४ रोजी लिडकॉम ची स्थापना मुंबईत प्रारंभीच्या ५ कोटी भाग भांडवलासह करण्यात आली. यामध्ये १००% हिस्सा राज्य शासनाचा आहे. सध्याचे भाग भांडवल ३०६.२१ कोटी पर्यंत पोहोचले आहे.

लिडकॉम चे दर्यापूर (अमरावती), हिंगोली, सातारा आणि कोल्हापूर या चार ठिकाणी उत्पादन निर्मिती केंद्रे सुरु करण्यात आली, ज्याची एकूण उत्पादन क्षमता हि प्रतिवर्षी २ लाख पादत्राणे (जोडी) एवढी आहे.

१९८४ साली महामंडळाचे पूर्वीचे ‘ चर्मोद्योग विकास महामंडळ लिमिटेड ’ हे नाव बदलून ‘ संत रोहिदास चर्मोद्योग व चर्मकार विकास महामंडळ ’ ठेवण्यात आले.

या वर्षी महामंडळातील राज्य शासनाच्या पूर्वीच्या ५ कोटी भाग भांडवलात वाढ करून ते ५० कोटी करण्यात आले.

रस्त्याच्या कडेला बसणाऱ्या चर्मकारांसाठी लिडकॉम मार्फत गटई स्टॉल योजना सुरु करण्यात आली ज्याअंतर्गत चर्मकाराना मोफत स्टोल वाटप करण्यात येते. तसेच राज्य शासनाचे सामायिक भाग भांडवल ५० कोटी वरून ७३.१ कोटी पर्यंत वाढविण्यात आले.

लिडकॉम आणि राज्य शासनाच्या सौजन्याने चर्मकार समुदायातील महिलांसाठी महिला किसान योजना आणि महिला समृद्धी योजना सुरु करण्यात आली. ज्याअंतर्गत ५७४२ महिलांना लाभ पुरविण्यात आला.

लिडकॉम ने NSFDC च्या साहाय्याने चर्मकार समुदायातील विद्यार्थ्यांसाठी शैक्षणिक कर्ज उपलब्ध करून देण्यासाठी या योजनेच प्रारंभ केला असून आजतागत ८८ विद्यार्थांना याचा लाभ मिळाला आहे.

४ मे २००९ रोजी कोल्हापुरी चप्पल ला भौगोलिक मानांकनाचे प्रमाणपत्र प्राप्त झाले आणि लिडकॉम हे कोल्हापुरी चप्पल चे नोंदणीकृत मालक आणि अधिकृत वापरकर्ते बनले.